SENDABERRI, NUEVOS PAISAJES ESCÉNICOS – PAISAIA ESZENIKO BERRIAK

Logo Sendaberri

SENDABERRI, Nuevos Paisajes Escénicos – Paisaia Eszeniko Berriak, Nafarroako Antzoki Sareak antolatutako zikloa da Nafar Gobernuko Kultura eta Kirol Sailaren laguntzarekin.

SENDABERRI FILOSOFIA

Sendaberri euskara eta gaztelania nahasten dituen hitz-jokoa da, bidexka berriak esanahiaren bila. Horixe da, hain zuzen ere, ziklo honen helburu nagusia: gure sarearen bazkide diren gune eszenikoen ohiko programazioa aberastea kontzientzia kritikoa sortzen duten ikuskizunen bitartez. Ikuskizun hauen programazioa zailagoa izaten ohi da, ez bait daude ikusleak modu erraz batean erakartzeko sortuak. Kalitate goreneko Antzerki, Dantza zein Zirku proposamenak, haien artean halako ezaugarriren bat dutenak:

  • Gizartearen errealitatearekin bat egiten duten gaiak: gai sozialak, genero-ikuspegia…
  • Hizkuntza berritzaileak.
  • Beren lan-taldeetan edo mezuetan inklusiboak izatea.
  • Azken finean, hunkitzen gaituzten eta gure errealitatearekin konektatzen duten ikuskizunak.

Audientziak, Konpainiak eta gune eszenikoak, eskuetatik helduta, bide berriak irekitzen lagunduko diguten esperientzien bila; kontatzeko modu berriak, sentitzeko modu berriak.

ZIKLOAREN HELBURU ZEHATZAK

  • Urtean behin konpainia gutxi batzuei laguntzea, baldin eta ekoizpenak iristeko zailak edo merkaturatzeko zailtasun handiagoak dituztenak badira.
  • Gure publikoen formakuntzan eta fidelizazioan lan egin, beren herrietan programatu ohi ez diren proposamen eszeniko bereziak eskainiz eta jarduera paraleloak edo bitartekaritzakoak garatuz.
  • Gure Sendaberri helburuekin bat egiten duten kalitatezko ekoizpen nafarren presentzia areagotzea.
  • Programazio arriskutsuen inguruan erabakiak hartzen lagundu jokaespazioei, publikoaren baitan kapital eszenikoa sortzea errazte eta ernatze aldera. Audientziei denboran zehar esperientzia estetikoak eta baliozko edukiak eraikitzea, birlantzea eta metatzea erraztuko dizkieten estrategiak.

PROGRAMAZIOAREN DEFINIZIOA ETA LANEN AUKERAKETA

Zikloa osatzen duten obrak hautatzeko, formula misto bat erabiltzen da:

Alde batetik, deialdi bat zabaltzen da merkatuan egon daitezkeen eta gure helburu programatikoei erantzuten dieten proposamen berriak ezagutzeko aukera ematen diguna.

Nafarroako Antzoki Sareak berak hainbat ikuskizun proposatu ditzake, horretarako diseinatutako batzorde eta mekanismoen bidez; gure programatzaileek azken azoka eta jaialdietan ikusi ahal izan dituzten ikuskizunak, bai eta sarearen beraren erakunde laguntzaileek ikusi ahal izan dituztenak ere (Redescena, SAREA, eta abar.).

Horrekin guztiarekin, sareko hainbat teknikarik osatutako Batzorde Artistiko batek, zeinari Nafarroako Gobernuko Kultura Ekintzako Zerbitzuaren ordezkari bat eta Nafarroatik kanpoko beste profesional bat gehitzen baitzaizkio, zikloaren programazio-helburuei erantzuten dieten titulu gutxi batzuen hautaketa bat egiten dute, eta horiek programaziorako proposatzen dira, parte hartzen duten espazio eszenikoen aukeraketen zain.

Hortik aurrera, Nafarroako Antzoki Sarea bera da, zikloa kudeatzeaz arduratzen den pertsonaren bidez eta Nafarroako Gobernuko Kultura Ekintzako Zerbitzuarekin etengabeko harremanean, egokitzat jotzen dituen barneko metodologiak eta irizpideak proposatzeaz, ebaluatzeaz eta aldatzeaz arduratzen dena, zikloaren programazio-helburuei erantzun beharko dien behin betiko programazioa diseinatzeko. Azken finean, parte hartzen duten gune eszenikoen errealitatera egokitutako ikuspegi eta begirada berriak ekarriko dituzten paisaia eszeniko berriak ikusteko aukera eskaintzen duen programazioa.

JARDUERA PARALELOAK EDO BITARTEKARITZA JARDUERAK

Funtzioa berarekin zerikusia duten bestelako jardueren programazioa sustatzen dugu. Ikusleen eta agertokiaren artean dagoen hesia apurtu nahian, beste ekintza batzuen bidez publikoa antzerki-esperientzian barneratuz, eta halako helburuekin:

  • Antzerkira publiko berriak erakartzea beste modu batez funtzioaren parte direla sentiaraziz.
  • Bestelako genero, formatu eta gaiak jorratzen dituzten proposamenak ikusteko beldurrak alde batera uztea.
  • Funtzio bakoitzean garatu beharreko gaien inguruan sentsibilizatzea garatu nahi dugu, antzerkiaren bidez ikusleengan hausnarketak sortuz.
  • Artisten eta ikusleen arteko muga fisikoa apurtzea.
  • Publiko batzuek genero jakin batzuei dagokienez dituzten oztopo psikologikoak apurtzea.
  • Kultura-jarduerak hauetan parte hartzen ohi ez duten kolektiboenganaino helaraztea.

2022ko programazioa, aukeratutako konpainiak eta programatuko diren espazio eszenikoak zehatz-mehatz ezagutu nahi badituzu, bisitatu: www.sendaberri.com

X
CAPTCHA
This question is for testing whether or not you are a human visitor and to prevent automated spam submissions.
11 + 6 =
Ariketa matematikoa burutu eta emaitza idatzi. Adibidez, 1 + 3, idatzi 4.