LAS QUE LIMPIAN

Mesedez, txukundu gela. Horra hoteleko logelako atean garbitzaileendako dagoen mezua, hau da, turismo-sistema prekarizazio-eragilea bizkar gainean daramaten emakume ikusezinendako.
Antzezlana hoteletako pisuko zerbitzarien borroka antolatuaz mintzo zaigu, bidezko lan eta gizarte eskubideak lortu nahian. Haien aurrean, hotel-kateen jabeen diruzalekeria mugagabea.
Posible al da lan horren balioa handitzea eta generotik askatzea? Ba al dago turismo jasangarririk? Nork garbitzen du garbitzailearen etxea? Pertsona batzuek ez dute sekulan komunik garbitu, eta beste batzuek, berriz, bostehun hileko.
Antzezlana garbitzaileez eta emakumeez mintzo da, bai eta emakumeok egunero zapaltzen duten lur bustiaz ere.