Bipedestrucción

“Bipedestrucción” dantza garaikideko haur ikuskizuna da eta, atseginez nahiz jolasaren bidez, ezarriak dauden genero estereotipoak jartzen ditu zalantzan. Bi izaki dira protagonista, ez dakite nola ibili ongi beren bi oinen gainean gizartearen onarpena lortzeko eta jendeak ulertu ditzan. Une jakin batean, hanka-bitasuna hautsi eta hainbat identitateren artean dabiltza, beren buruari inposatutako formak eta eskuratutako moldeak hautsiz. Birendako paseo horretan, gizakiari zuzenean egindako erreferentziak aurkituko ditugu, baina baita animaliei eta munstroei egindakoak ere. Metafora sorta baten bidez, haurrekin era dibertigarrian eta hurbilean hitz egiteko aukera izanen dute. Umorezko zimikoak, jolas etengabean, bilaketa baten bila, hots, nor naiz? nor izan nahi dut?

Topaketa talde artistikoarekin, saioaren ondotik.