Sendaberri zirkuituak, 13 konpainiaren 67 emanaldi eskainiko ditu 2026. urteko edizioan, Nafarroako Antzoki Sarearen bazkide diren 32 herritan.

Nafarroako Antzoki Sareak Nafar Gobernuko Kultura, Kirol eta Turismo sailarekin elkarlanean antolatutako zikloaren edizio honek 220.000 euroko aurrekontua bideratuko du programaziora.

Ignacio Apezteguía, Vianako Printzea Erakundeko Kultura Zuzendari Nagusia, Sendaberri Zirkuituaren programazioaren aurkezpenean izan da, Asier Costa Chavero Nafarroako Antzoki Sareko lehendakariarekin, Irantzu Zabalza, Zizur Nagusiko kultura zinegotziarekin, Iker Bengotxea, zirkuituaren kudeatzailearekin eta programazioan parte hartuko duten hainbat konpainiarekin. Programa honen helburu nagusia Sareko espazio eszenikoen ohiko programazioa aberastu eta osatzea da. Besteen artean, gai sozialak edo lengoaia berriak jorratzen dituzten konpainien antzezlanen bitartez. Balorazio prozesuan 100 proposamen jaso eta baloratu ondoren, 13 konpainiaren 67 emanaldi izango ditugu sareko 32 herritan,  eta horien artean konpainia nafarrak 8 izango dira. Heldu, gazte eta familiarentzako Dantza, Zirku, Arte Bizi zein Antzerki proposamenak izango ditugu eta horien artean 14 euskaraz izango dira.

Nabarmentzekoa da Nafarroako proposamenen artean, horietako asko eszenatokietara iristen direla orain Kultura Zuzendaritzak berak antzoki sareko espazioekin lankidetzan bultzatutako hainbat sormen prozesutan parte-hartu ondoren: Erriberriko Antzerki Jaialdiko egoitza artistikoak, sareko espazioetan egindako egoitza teknikoak edo DNA programa, besteak beste, eta orain Sendaberrin topatuko dute beraien banaketa bultzatzeko bide bat.

2026. EDIZIOKO PROGRAMAZIOA

Nafar konpainien proposamenen artean: Cardo Producciones-en “Berlin Brecht Kabarett”, Brecht-en testuak eta Kurt Weil-en musika, zuzeneko pianojolea eta 9 nafar aktore eszenatoki gainean (Viana, Murchante, San Adrián, Irurtzun, Agoitz eta Korella), “El hombre aro y la chica que buscaba a Lorca” lanarekin  Iluna antzerki konpainiak, Lorca eta ijito-komunitateari omenaldia egiten die (Azagra, Tafalla, Murchante, Azkoien, Lodosa, Korella eta Zentroniko), “Galduen zergaitia”-rekin, Akira Yoshidak dantza urbanoa eta garaikidea, antzerki fisikoa eta objektuen manipulazioa uztartzen ditu, umorea eta bizitzaren gordintasuna landuz (Leitza, Lizarra, Los Arcos), “Instrucciones para Alberto González” komedia existentzialistarekinIon Iraizoz-ek, bere azken lanen ildoari jarraitzen dio, errealitatea eta fikzioa nahastuz, eta giza portaera zein bizkorra izan daitekeen hausnartuz (Zizur Nagusia, Zangotza eta Berriozar), “Balkoi atzean emakumeak kantari” lana taularatuko du Boga Boga konpainiak (Adriana Salvo-k), antzerki dokumentala, autobiografikoa eta objetu-antzerkia nahastuz eta landa-inguruneko emakume artisten artxiboetan barna memoria kolektiboko ariketa bat eginez, Errepublikatik hasi eta gaur egunera arte (Gaztelaniaz: Burlata, Berriozar, Antsoain, Berriobeiti, Ribaforada eta Olazti / Euskaraz: Leitza, Uharte, Bera, Etxarri Aranatz). La Banda Teatro Circo konpainiak “Nuur” taularatuko du, zirku eta antzerki fisikoko ikuskizuna, bizitzaren zikloari buruzko hausnarketa, emozio eta edertasun gune bat eskaintzen duena (Lesaka, Atarrabia, Lizarra, Mélida, Etxarri-Aranatz, Castejón, Ribaforada, Altsasu); Qabalum konpainiaren “Todo este ruido” dantza ikuskizuna, non bi gorputzek irudiz irudi salto egiten duten ilunpearen eta argiaren artean dron batekin batera (Lesaka, Ribaforada eta Noáin); eta amaitzeko Torcidxs - Las Nenas Theatre konpainiarena, performancea, inprobisazioa, lotsagabekeria eta freskotasuna, non interpreteek beste zerbait izateko nahia gorpuzten duten, porrota ospatzen duten judizio eta identitateen zurrunbiloa eraginez (Zizur Nagusia, Berriozar, Mutiloa)

Nafar mugez haratagotik datozen konpainien artean: “CUENTO DE NAVIDAD (Encapsulado a Dickens)” - COMA14 & Société Mouffette, MAX SARIA ume, gazte eta familiendako ikuskizun onenari, hainbat lengoaia elkartzen dituen diziplina anitzetako familia proposamena, eszenografia eta atrezzo xehearekin jolastuz (Azkoien, Mutiloa y Agoitz), “Elara, bidaia izarretara” Mar-Mar Teatro konpainiarena, adineko pertsonei antzerkiaren bidez egindako omenaldia (Euskaraz: Lizarra, Irurtzun eta Bera / Gaztelania: Zentroniko eta Mélida); El Patio Teatro-ren “Feriantes” lana, FETEN eta DRAC D'OR sariak dituen gertuko ikuskizuna, barraken munduaren inguruan lanean bizi izan den jendeari buruz eta nola hauek ilusioa  herrietan barna zabaltzen duten (Azagra, Los Arcos eta Noáin); Javier Arandak “Saeta” lana dakarkigu,Lleidakotxotxongiloen azokan ikuskizun onenaren saria 2025. urtean, antzerkiari berari omenaldia egiten dion gazte eta helduentzako txotxongilo ikuskizun bikaina (Viana, Zangotza, Uharte, Atarrabia) eta azkenik Artedrama eta Axut konpainiek “Nor naizen baneki”, Harkaitz Cano eta Ximun Fuch-en testuez baliatutanor garen, nor izan garen eta nor izan gaitezkeen galdetzen duen hausnarketa, euskaraz sortutako lan kolektiboa, nafar artisten (Maialen Diaz eta Oier Zuñiga) zein ikus-entzunezko teknikarien (Acrónica Producciones)  parte-hartze nabarmenarekin. (Altsasu, Zizur Nagusia, Burlata, Tafalla, Antsoain, Atarrabia).

Funtzioez gain hitzaldiak, mahai-inguruak eta tailerrak antolatu dira bai eta funtzioen osteko solasaldiak. Sendaberri zikloan bestelako jarduera paraleloen programazioa sustatzen da, modu honetan ikusleei funtzioek lantzen dituzten gaien eta prozeduren inguruan hausnarketak egiteko aukera emanez, konpainiekin batera.

Nafarroako Gobernuak edizio honetarako bideratzen duen aurrekontua 115.300 € dira, zeini toki entitateek jasotzen duten kopurua gehitu behar zaion, hots, 104.000 €. Guztira, 220.420 euroko aurrekontua bideratuko du zikloak bere programazioarentzako.

LEHENENGO ASTEBURUA

Programazioa aste buru honetan martxan jarriko da “Mujeres que cantan tras el balcón” lanarekin ostiralean Burlatan eta larunbatean Berriozarren eta Altsasun “Nor naizen baneki” ikuskizunaz gozatuko dugu larunbatean. Programazio osoa www.sendaberri.com webgunean, Nafarroako Antzokien Sarearen webgune ofizialaren agendan eta parte hartzen duten udalen webguneetan kontsultatu ahal izango da. Azken hauen bidez ikuskizunetarako sarrerak erosi ahal izango dira, baita programatutako jarduera paraleloei buruzko informazioa eskuratu ere.