3 ELEMENTOS - UNA EXPERIENCIA MÁGICA INMERSIVA
Sinopsia
HODEI MAGOA
"3 ELEMENTU"
Jaio, hazi, ikasi… eta bidean galdu egiten ditugu.
3 Elementu: sormena, kuriositatea eta pasioa. Haurtzaroan hegan egiten uzten diegu; helduaroan, berriz, hegoak mozten dizkiegu.
Irudimenez, fantasiaz eta harriduraz beteriko kontakizun eszenikoa. Gaur garen horretara eraman gaituzten 3 Elementuak zeharkatzen dituena, non ilusionismoa aitzakia bihurtzen den oroimenari eta partekatutako bizipenei leiho bat irekitzeko.
Eguneroko zaratatik urrun, topaketa intimo bat; paper txiki bat, txirrin bat eta artilezko bola bat besterik behar ez den lekua, istorioak kontatzeko, hunkitzeko eta hausnarketarako gonbita egiteko.
Publikoa: Publiko helduari zuzendutako proposamena, haur orientaziorik gabe. 7 urtetik gorakoak heldu arduradun batekin joan daitezke. Aukera hau familian etortzeko pentsatuta dago; proposamena ez da haur-taldeentzat.
HIRUHIRUHIRUROGEIº ZIKLOA
Kerobia, Yarleku Antzerkia eta Hodei magoaren proposamenen bidez, musika, antzerkia eta magia 360º-ko formatu murgiltzaile batean uztartzen dituen zikloa da. Publikoaren eta artisten arteko gertutasuna da bere balio erantsia, ohiko eszenatokiaren mugak hautsiz.

