TARTEANen filosofiari jarraituta (gure lana ahalik eta espazio gehienetara zabaltzea) “Ez dok Hiru” ikuskizunaren bertsio akustikoa prestatu dugu.
Publiko helduari zuzendutakoa, umorezkoa, euskaraz. Patxo Telleriak testuak sortzeko eta Mikel Martinezek, eta Telleriak berak, zuzenean antzezteko
duten estilo paregabearekin.
Formato berri honetan, Mikel Martinez eta Patxo Telleria, musikari-aktore batek lagunduta (Adrian Garzia de los Ojos), Euskal Herriko imajinario musikalaren errepaso ironiko, absurdu eta dibertigarria eskainiko dute.
Gure musika ondarea, altxor bat da, gure memoria historikoaren lekuko emozionala.
“Ez dok Hiru”, kantutegian oinarritutako ikuskizun teatrala da. Gure modukoa, eroa, deskonzertantea, irrigarria azalez… Baina azal horren poro bakoitzari geure musikarekiko maitasuna dario.
